Ignazio Majorana


 
VINITI!  VINITI A LU ME PAISI! 
(Casteddubonu)

E' bonu lu panuzzu di farina, 
è bonu lu vinuzzu di racina; 
latti munciutu nta la matinata, 
l'ova frischi frischi di la iurnata;

carni d'oji o d'ajeri scannata 
e poi miiniscedda appena cugghiuta; 
cannola cu la crema di ricotta, 
li chiù genuini taralli e viscotta.

A tia!  A tia foresteru, veni cà!
 Sta' certu ca ti dicu la virità, 
si tu nun ci cridi camina cu mia, 
prima ca speddi l'annu veni arrìa.

Cà c'è lu beddu voscu di li Fati 
cu li castagni e li cerzi 'mmiscati;
li casuzzi chi parinu ammucciati 
'ntra lu, virdi di li rami 'ntrizzati.

San Guggliermu, Liccia, Ferru, Simprìa, 
paci, quietu, armunia.  Ma chi puisia! 
Viniti nta sti cuntrati 'ncantati 
comu lu sonnu di li 'nnamurati!

Viniti!  Viniti ca st'aria pura 
Cu tuttu lu ciatu la rispirati 
E certu, stu spicuneddu di natura
Mancu a pinsallu vui lu lassati!

POETI